Almatydaǵy boks keshi: qazaqstandyq Jýravskıı WBO Oriental belbeýin ıelendi
ASTANA. QazAqparat - Búgin Almatyda ótken boks keshi aıasynda qazaqstandyq Aleksandr Jýravskıı men taılandyq Patomsýk Patompotong WBO Oriental belbeýi úshin aıqasty.
Kezdesýdiń ekinshi raýndynda qazaqstandyqtyń aýyr soqqylaryn alǵan taılandyq eki ret nokdaýn alyp, jekpe-jekti ary qaraı jalǵastyra almady. Osylaısha, WBO Oriental belbeýi Qazaqstan boksshysyna buıyrdy.
Aıta keteıik, Almaty tórinde ótken boks keshinde qazaqstandyq Alı Ahmedov, Aıdar Sháribaevtar sharshy alańǵa shyǵyp, ekeýi de grýzııalyq qarsylastaryn jekpe-jektiń alǵashqy raýndynda-aq nokaýtqa jibergen bolatyn. 6 raýndtyq reıtıngtik jekpe-jekte ýkraındyq Valentın Kýtspen qolǵap túıistirgen Berikbaı Nurymbetov tóreshilerdiń sheshimimen jeńiske jetti. Birinshi aýyr salmaqtaǵy IBO nusqasy boıynsha ınterqurlyqtyq chempıon, Global Boxing Council nusqasynyń úsh dúrkin álem chempıony Isa Aqberbaev ta óziniń chempıondyq ataǵyn qorǵap qaldy. Ol Germanııa boksshysy Maık Kýrtsveıldi birinshi raýndta nokaýtqa túsirdi. Munan bólek, qazaqstandyq Fırýza Sháripova serbııalyq Mılena Matovıchty jeńdi.
