Almatydaǵy blokposttarda PTR test anyqtamasy talap etilmeıdi

ALMATY. QazAqparat – Almatyǵa kirip nemese shyǵyp bara jatqan adamdardan blokposttarda PTR test tapsyrǵany týraly anyqtama talap etilmeıdi. Bul týraly Almaty ákimniń orynbasary Saparbek Tuıaqbaev málimdedi, dep habarlaıdy QazAqparat tilshisi.

«Almatydaǵy blokposttar PTR nemese jedel test nátıjelerin talap etpeıdi. Erteńnen bastap ashylatyn jáne osy kúnge deıin jumys istep jatqan kásiporyndarǵa oblys aýmaǵynda turatyn jumysshylaryn shaqyrýǵa múmkindik beriledi. Osyǵan oraı, erteńnen bastap kásiporyndardan usynystar qabyldanyp, tirkeý bastalady. Bul jerde bekitilgen algorıtmge sáıkes, arnaıy derekter qorynan oblys turǵynyna blokppostardan ótýge ruqsat beriledi»,– deıdi qala ákiminiń orynbasary.

Sonymen qatar, ol qala men oblys ortasynda tek ruqsaty bar adamdar ǵana júre alatynyń atap ótti.