Almatydaǵy blokposttar qalaı jumys istep jatyr
ALMATY. QazAqparat - Almaty ákimdigi 27 blokposta epıdemıologtar men sanıtarlyq dárigerlerdiń jumysy týraly aıtty, dep habarlaıdy QazAqparat tilshisi.
Buǵan deıin habarlaǵanymyzdaı, Almatyda 19 naýryzdan bastap engizilgen karantınge jáne sanıtarlyq-epıdemııaǵa qarsy sharalardyń kúsheıtilýine baılanysty qalaǵa kólikterdiń kirip-shyǵýyn shekteıtin 27 blokpost qoıylǵan bolatyn.
22 naýryzdan bastap blok-beketterdiń jumysy qatań rejımge kóshti. ıAǵnı, endi Almatydan eshkim shyǵa almaıdy, sáıkesinshe qalaǵa da eshkim kirmeıdi. 27 blok-bekettiń 21-ne 81 sanıtarlyq dáriger tartylǵan.
«Barlyq blokpost teplovızorlarmen, jeke qorǵanys quraldarymen jabdyqtalǵan, ystyq tamaq ta uıymdastyrylǵan», – dedi Almaty qalalyq Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń mindetin atqarýshy Ásel Qalyqova.
Blok-beketter kúni-túni úzdiksiz istep tur. Qalaǵa kirgen jáne qaladan shyqqan adamdarǵa, avtokólik júrgizýshilerine termometrııa jasalýda.
Ótken túnde qalaǵa kirgen 23475 adam, qaladan shyqqan 13893 adam, sonymen qatar, 11529 avtokólik júrgizýshisi termometrııadan ótkizilgen. Tekserý kezinde dene qyzýy kóterilgen 2 adam tirkeldi. Onyń bireýi Almaty oblysynyń turǵyny, Alataý aýdanynyń №3 blok-beketinde anyqtaldy. Dereý jedel járdem brıgadasynyń dáriger-mamandary shaqyrylyp, tekserilip, nátıjesinde oǵan kataraldi angına dıagnozy qoıyldy. Turǵyn qalaǵa kirgizilgen joq, turǵylyqty jeri boıynsha tirkelgen Іle aýdanynyń emhanasyna jiberildi.
Al ekinshi adam Alataý aýdanynyń turǵyny. Ol Jetisý aýdanyndaǵy №8 blokpýnkt toqtatyldy. Medıtsınalyq jedel járdem brıgadasynyń shaqyrýy boıynsha ol azamat ta jan-jaqty tekserilip, qala aýrýhanasyna jatqyzyldy.
Blokpýnkterde dezınfektsııalyq jumystar turaqty júrgizilip jatyr.
