Almatydaǵy blokposta para alǵan polıtsııa qyzmetkeri sottaldy

NUR-SULTAN. QazAqparat – Almatydaǵy blokposta tótenshe jaǵdaı rejımi kezinde para alǵan polıtsııa qyzmetkeri sottaldy. Qylmystyq is jaıly Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bekaıdarov agenttikte ótken baspasóz máslıhatynda aıtyp berdi, dep habarlaıdy QazAqparat tilshisi.

«2020 jyldyń 5 mamyrynda Almaty qalasynyń Áýezov aýdandyq sotynyń úkimimen qalalyq Polıtsııa departamentiniń patrýldik polıtsııa polkiniń ınspektory B.Q.Tynyshtyqbaev 1 jylǵa bas bostandyǵynan aıyryldy. Oǵan, sonymen qatar, memlekettik qyzmette ómir boıy eńbek etý quqyǵy berilmeıdi. Ol TJ kezeńinde fıltratsııalyq blokpostan kedergisiz ótkizý úshin azamattardyń birinen 20 myń teńge para alǵan», - dedi Danııar Bekaıdarov.

Ol, sonymen qatar, Atyraý qalalyq №2 sotynyń úkimimen G.Táýirbaev atty azamatqa 112 500 teńge aıyppul salynǵanyn habarlady. Ol azamat blokpost arqyly kedergisiz ótý úshin Atyraý oblystyq PD ınspektorynyń shotyna 15 myń teńge para aýdarǵan.