Almatydaǵy blokposta bolǵan jol apaty: Mas júrgizýshi polıtsııa qyzmetkeri emes
ALMATY. QazAqparat - Almaty polıtsııasy blokposty qıratyp, eki polıtsııa qyzmetkerin mert qylǵan júrgizýshi týraly málimet berdi, dep habarlaıdy QazAqparat tilshisi.
Áleýmettik jelide mas júrgizýshiniń ózi de polıtsııa qyzmetkeri degen sybys tarady.
«Aqparatty rastamaımyz», - dedi Polıtsııa departamentiniń ókilderi.
Aıta keteıik, qaıǵyly oqıǵa búgin tańǵa jýyq 4 blokposta bolǵan. BMW júrgizýshisi mas kúıinde beton qorshaýǵa soǵylyp baryp, ınertsııamen patrýldik polıtsııa kóligin soqqan.
Sonyń kesirinen eki polıtsııa qyzmetkeri qaıtys boldy.
Úshinshi polıtsııa qyzmetkeri jansaqtaý bóliminde jatyr.
Almaty ákimi qaıǵyly oqıǵaǵa qatysty marqumdardyń otbasyna kóńil aıtty.
