Almatydaǵy blok-beketter: Polıtsııa tasjoldan tys joldardy da bekitti
ALMATY. QazAqparat - Almaty polıtsııasy blok-beketterden tys shaǵyn kósheler arqyly qalaǵa kirip-shyǵatyn joldardy anyqtap, bekitti, dep habarlaıdy QazAqparat tilshisi.
Bul týraly onlaın-brıfıngte qalalyq polıtsııa departamenti ákimshilik polıtsııa basqarmasynyń basshysy Jandos Muratalıev aıtty.
«Bir táýliktegi jumysty qorytyndylaı kele polıtsııa qalaǵa kirip-shyǵýǵa múmkindik beretin qýys joldar bar ekenin anyqtady. Sol ýchaskelerge qosymsha patrýl bóletin boldyq. Osyndaı joldardyń barlyǵy anyqtalyp, jabyldy», - dedi Jandos Muratalıev.
Aıta ketý kerek, Almaty qalasy 19 naýryzdan bastap karantınge jabyldy. Qazir asa qajettilik bolmaǵan jaǵdaıda qalaǵa jeke kólikpen kirip-shyǵýǵa tyıym salynǵan.
22 naýryzdan bastap bul shekteý avıa jáne temir jol qatynasyna da qoıylady.
