Almatydaǵy birneshe shıpajaı koronavırýs naýqastaryn emdeýge berildi
«Pandemııa bastalǵannan beri ınfektsııalyq statsıonarlardyń sany 13 esege, 2-den 26-ǵa deıin artty. Sáıkesinshe, tósek-oryn sany 500 6000-ǵa deıin artty. Osy aptada 250 tósek-orynǵa arnalǵan «Qazaqstan» shıpajaıy, 376 tósek-orynǵa arnalǵan «Kóktem» shıpajaıy, 140 tósek-orynǵa arnalǵan «Samal» pansıonaty, 100 tósek-orynǵa arnalǵan Soǵys ardagerleri men múgedekterine arnalǵan Respýblıkalyq klınıkalyq gospıtal koronavırýs naýqastaryn qabyldaýǵa beıimdeldi. Biraq, biz osymen toqtap qalmaımyz, aldaǵy ýaqytta tósek-oryndar qýattylyǵy rezervin qalyptastyrý josparda tur.
Odan bólek, aldaǵy ýaqytta Arnaıy áleýmettik qyzmet kórsetý ortalyǵy bazasynda 500 tósek-orynǵa arnalǵan tolyqqandy klınıka ashylady.
«Atalǵan ortalyq birinshi eşelonnyń kovıdtik klınıkasy retinde jumys isteıtin bolady, al kovıdtik kezeńnen keıingi kezde tolyqqandy kópbeıindi statsıonar retinde jumysyn atqaratyn bolady. Qazir ol jerde qurylys jumystary aıaqtalýda, sonymen qatar medıtsınalyq tehnıkamen jáne qajetti kadrlarmen jasaqtaý jónindegi máselesi pysyqtalýda. Osy nysandy qyrkúıek aıynda ashý mindeti qoıylǵan. Osylaısha, qala 500 tósek-orynǵa arnalǵan tolyqqandy jáne kovıdtik kezeńnen keıin de halyq ıgiligi úshin jumys isteıtin kópbeıindi klınıkaǵa júgine alady.
«Aıta ketý kerek, jańa statsıonarlardy ashýǵa jumsalǵan ınvestıtsııa postkovıdtik kezeńde de paıdasynkeltiredidep oılaımyz. Josparda tósek oryndy 7700 deıin arttyrý kózdelgen», - dedi ol.
