Almatydaǵy birqatar iri saýda ortalyǵynda sanıtarlyq talaptar saqtalmaǵan
ALMATY. QazAqparat – Almatyda júrgizilgen reıd barysynda 85 kásipkerlik nysanda sanıtarlyq talaptar buzylǵany anyqtaldy, dep habarlaıdy QazAqparat tilshisi.
«27-28 mamyrda aýdandyq ákimdikter men epıdemıologter qyzmet kórsetý, qoǵamdyq tamaqtaný oryndary, úılerdiń qasyndaǵy dúkenderge reıd júrgizdi. 147 nysan tekserildi», - dedi ákimdiktiń baspasóz qyzmetinen.
Tekserý nátıjesinde 2 kúnde 85 nysannyń basshysyna aıyppul salyndy. M.Áýezov aýdanynda – 11, Alataý aýdanynda – 21, Almaly aýdanynda -10, Bostandyq aýdanynda – 10, Jetisý aýdanynda – 4, Medeý aýdanynda -17, Naýryzbaı aýdanynda -3, Túrksib aýdanynda - 9 nysannyń basshysy ákimshilik jaýapkershilikke tartyldy.
Atap aıtqanda, «Mr Donerci», «Chaı La», «Raıskı Sad», «Master Kafesi», «Oazıs» dámhanalary, «Olivier», «Svet», «Noodles» meıramhanalary, «Basilic» ashana jelisi, «Fantazy» shashtarazy, «Adelıa» sán salony, «Rahat», «Kakadý», «Zarına» azyq-túlik dúkenderi, shına jóndeý men kólik jýý ortalyqtary bar.
Odan bólek iri saýda oryndarynan «ADK» saýda oıyn saýyq ortalyǵy, «Grand Park» saýda oıyn saýyq ortalyǵy, «Sulpak» dúkeninde sanıtarlyq talaptar buzylǵany anyqtaldy.
Aıta ketý kerek, Almatyda shaǵyn jáne orta bıznestiń 80%-nyń jumysy qaıta janjandy.
18 mamyrdan bastap týrızm salasyndaǵy nysandar men uıaly baılanys abonenti bólimderi ashyldy.
25 mamyrdan bastap aýdany 500 sharshy metrden asatyn saýda oryndary men qoǵamdyq tamaqtaný oryndary, qonaq úıler klıent qabyldaı bastady.
