Almatydaǵy bilim berý ortalyqtary qashan ashylady
ALMATY. QazAqparat – Almatyda búgingi kúnnen bastap bilim berý ortalyqtaryna jumys isteýge ruqsat berildi, dep habarlaıdy QazAqparat tilshisi.
Elimizdegi tótenshe jaǵdaı rejıminiń aıaqtalýyna oraı, Almatydaǵy bilim berý ortalyqtarynyń ashylýyna ruqsat etildi. Alaıda megapolıstegi bilim ortalyqtary jumystaryn jalǵastyrýǵa asyqpaıdy.
«Onyń sebebi bar. Jalpy jekemenshik bilim ortalyqtaryndaǵy qosymsha sabaqtar men úıirmelerge keletin balalardyń sany jazǵa qaraı azaıady. Búginen bastap ashylýǵa ruqsat berildi. Biraq, kelýshiler joq. Sondyqtan ázirge ashylmaımyz»,– dep habarlady Diplom.kz ortalyǵy.
Almatydaǵy Happy Land bilim berý ortalyǵyda áli jumys istemeıtinderin jetkizdi.
«Ruqsat birilgenin estı salysymen bizge kelip júrgen ata-analarǵa habarlastyq. Ashylatynymyzdy jetkizdik. Ata-analardyń basym bóligi balalaryn jiberýge áli qorqatyndaryn aıtty. Bala sany óte az. Jumysty qashan bastaıtynymyzdy naqty ashyp aıta almaımyz»,– dep atap ótti Happy Land bilim berý ortalyǵynyń ókili.
Aıta keteıik, bilim berý ortalyqtary jumystaryn bastamas buryn aýdıtten ótýge mindetti. Ótinimder kún saıyn call centre arqyly qabyldanady.
Aýdıt ótkennen keıin jáne oń sheshim alǵannan soń infoalmaty.kz saıtynda tirkeledi. Bilim berý uıymdarynda jumys isteıtin jáne oblysta turatyn qyzmetkerlerdi tirkeýge ótinim osy saıt arqyly beriledi.
