Almatydaǵy bilim berý mekemeleri Ashyq jobasyna 100% qosyldy
«Almaty» telearnasyndaǵy Akimat Live baǵdarlamasynyń tikeleı efırinde qala ákimi qaladaǵy epıdemıologııalyq ahýalǵa toqtaldy.
10 tamyz kúni megapolıste 1 493 adamnan koronavırýs anyqtaldy. Onyń ishinde 1 397 jaǵdaı sımptomdy. Anyqtalmaǵan pnevmonııa – 7 jaǵdaı. Táýliktik ósim - 1,2%. Reprodýktıvti sany – 1,010.
Úkimettiń tapsyrmasyna sáıkes medıtsınalyq qarsy kórsetkishteri barlardy qospaǵanda, muǵalimder men tehnıkalyq personaldy 100% vaktsınalaý 25 tamyzǵa deıin júrgizilýi tıis.
Bul rette Almaty qalasynyń ákimi Baqytjan Saǵyntaev ata-analar da balalarynyń qaýipsizdigin oılap, ekpe saldyratynyna senimdi.
Qazirgi ýaqytta sanıtarııalyq-epıdemıologııalyq baqylaý departamenti mamandarymen birge mektepterdiń daıyndyǵy tekserilip jatyr. 20 tamyzǵa deıin kvartstendirý, dezınfektsııalaý, maska rejımi men kúndelikti termometrııadan turatyn sanıtarlyq talaptarǵa sáıkestigin tekserý aıaqtalýy tıis.
Mektepter men balabaqshalar Ashyq jobasyna 100% qosylǵan jáne 1 qyrkúıekten bastap júıede jumys jasaýǵa daıyn. Júıe barlyq oqý oryndarynda engizilgen, muǵalimder, qyzmetkerler jáne ata-analarǵa osy júıe boıynsha ishke ene alady.
Almaty qalasynyń bilim berý júıesiniń qyzmetkerleri, onyń ishinde bilim berýdegi jańa tehnologııalardyń ǵylymı-ádistemelik ortalyǵy, «Almaty daryny» daryndy balalar men daryndy jastardy anyqtaý men qoldaý ortalyǵy, qalalyq dene shynyqtyrý men sporttyń oqý-tájirıbelik ortalyǵy, memlekettik balabaqshalar men mektepter, kolledjder, ınternattar, qosymsha bilim berý uıymdary 100% vaktsınalanǵan.
Bul uıymdarda barlyǵy 36 825 adam jumys isteıdi, 32 113 adam vaktsınalaýǵa jatady.
Sondaı-aq, jeke balabaqshalardyń ujymdary - 100%, jekemenshik mektepter - 85%, qosymsha bilim beretin jeke uıymdar 58% ekpe saldyrǵan.
