Almatydaǵy «Baıqońyr» metro stansasynda QR Tuńǵysh Prezıdenti kúnine arnalǵan merekelik shara ótti (FOTO)
«Elbasynyń kóregen saıasatynyń arqasynda Qazaqstannyń áleýmettik-ekonomıkalyq jaǵdaıy jyl sanap jaqsaryp keledi. Ár adam ózine laıyqty jumys taýyp, otbasyn asyrap jatyr. Elimizde áleýmettik, óndiristik nysandar salynýda. Jańa turǵyn úıler boı kóterýde. Elbasy Nursultan Nazarbaev elimizde halyqtyń ál-aýqatyn jaqsartyp, ultaralyq tatýlyq ornatý jolynda qajyrly eńbek etip keledi. Osynyń arqasynda, Qazaqstan álemdik qoǵamdastyq aıasynda ózine laıyqty oryn aldy. Bul úlken eńbektiń arqasy. Sondyqtan, kezinde QR Parlamentiniń Senaty osy merekeni bekitý týraly arnaıy zań qabyldaǵan bolatyn. Ondaǵy maqsat - Qazaqstannyń táýelsiz memleket bolyp tolyqqandy qalyptasýy jolynda Elbasynyń sińirgen eńbekterin umytpaı, qashanda qurmet tutý» - dedi óz sózinde Ahmetjan Esimov.
Sonymen qatar, qala basshysy Elbasynyń tapsyrmasymen Almaty qalasynda kóptegen ıgi sharalardyń, jobalardyń júzege asyp jatqandyǵyn jetkizdi. Sonyń biri - Almaty metropolıteni.
«Budan dál úsh jyl buryn, 1 jeltoqsan kúni Prezıdentimiz Almatyǵa kelip, osy Almaty metropolıtenin ashyp edi. Alǵashqy kezderi jolaýshylar sany kúni 13-14 myń bolatyn. Al qazir jolaýshylardyń sany táýligine 24 000 asyp otyr. Metro qyzmetin qala turǵyndary arasynda tanytý úshin kóptegen is-sharalar júzege asyrylýda. Búgin mine, qala mektepteriniń bastaýysh synyp oqýshylarynyń metro taqyryby boıynsha salǵan sýretterin tamashalap jatyrsyzdar. Bul baıqaý da metro qyzmetin nasıhatatýǵa septigin tıgizedi» - dedi. A. Esimov.
Aıta ketelik, «Baıqońyr» metrostansasy halyqqa lyq toldy. Jınalǵan jurtshylyq qalalyq halyq aspaptar orkestiriniń oryndaýyndaǵy kóńildi kúılerdi tyńdap qana qoımaı, mektep oqýshylarynyń metrostansanyń qabyrǵalaryna ilingen sýretterdi de tamashalady. Merekelik is-shara sońynda balalarǵa Almaty metropolıteniniń 3 jyldyǵyna oraı jasalynǵan úlken merekelik tort úlestirildi.
