Almatydaǵy Baým baǵy qalaı ózgeredi
ALMATY. QazAqparat - Almaty ákimi Baýyrjan Baıbek qalanyń kommýnaldyq meshigine qaıtarylǵan Baým baǵyn abattandyrý jumystarynyń barysymen tanysty, dep habarlaıdy QazAqparat tilshisi.
Búginde ákimdik aýmaǵy 139,5 ga bolatyn baqty óz qorǵaýyna alǵan.
Park aýmaǵynyń perımetri boıynsha qoǵamdyq qaýipsizdikti qamtamasyz etý úshin táýlik boıyna jumys isteıtin tórt polıtsııa núktesi qoıylǵan. Polıtsııa núkteleri qala máslıhatynyń depýtaty Qaırat Qudaıbergenniń jeke qarjysy esebinen jumys isteýde. Baq aınalasyn polıtsııa kómekshileri baqylaıtyn bolady. Eko-stıldegi navıgatsııalyq taqtashalar ilinip, 20 oryndyq qoıylǵan.
Júrgizilgen monıtorıng kezinde baqtyń 2,5 ga jerin jeke adamdardyń jáne kólik turaǵyn jasaý úshin avtosalon ıeleriniń óz betterimen basyp alǵandary anyqtaldy. Megapolıs basshysy zańǵa sáıkes baqtyń basyp alynǵan jerlerin qaıtarýdy jáne kógaldandyrýdy tapsyrdy.
«Qalalyqtardyń demalýy úshin kóp qarjy jumsalmaıtyn jáne ekologııaǵa barynsha az áser etip, jaıly jaǵdaı jasaıtyn jobalar qajet. Ǵalymdarmen birlese otyryp, jasyl jelekti qorǵaý jáne ulǵaıtý qajet. Topyraqtyń jáne klımattyń ereksheligi eskerilip, aǵashtar sapaly kútilýi tıis. Alleıany jaryqtandyrý úshin jańartylǵan energııa kózderin paıdalanǵan jón, óıtkeni tabıǵı aımaq erekshe qorǵalady jáne munda ınjenerlik jelilerdi júrgizýge bolmaıdy», - dep atap ótti Baýyrjan Baıbek.
Baým baǵynda qaıyń alaeıasyn jasaý, terek, tal aǵashtaryn otyrǵyzý josparlanǵan. Shilde aıynda aǵashtardyń ımmýnıtetin jaqsartatyn jáne ony zııankesterden qorǵaıtyn zamanaýı preparattar satyp alynyp, bıologııalyq óńdeý jumystary júrgiziledi. Tabıǵı aımaqta flora men faýnany keńeıtý mindeti qoıylǵan.
Bulardan ózge, baq aınalasy sanıtarlyq tazalyqtan ótýde. Tek sońǵy senbilik kezinde osy jerden 43 kólik qoqys shyǵaryldy. Baq aýmaǵynda ıtti serýendetetin alań men balalardyń aǵash qalashyǵy paıda bolady. Baqtyń syrtqy jaǵyn jaryqtandyrý júıesi jańarady, Úlken Almaty kanaly aýmaǵynda balalar alańy jasalady.
Aıta ketý kerek, Almatyda bıylǵy jazda 157 kóshe jóndelip, 600 aýla kóriktendiriledi. Barlyq jer asty ótpeli joldar kúrdeli jóndeledi, jańa fontandar salynady. Buryn qaıta jasalǵan Panfılov, Jibek Joly, Gogol, Qabanbaı batyr, Baıseıitova, Tólebaev kósheleri men «Astana» alańynan ózge megapolıstiń birqatar negizgi dańǵyldary túgeldeı jańarady.
