Almatydaǵy Baým baǵy erekshe qorǵalatyn nysandar tiziminen shyǵaryldy
ALMATY. QazAqparat - Almatydaǵy Baým baǵy erekshe qorǵalatyn nysandar tiziminen shyǵaryldy, dep habarlaıdy QazAqparat tilshisi.
Osyndaı qaýlyny QR Úkimeti 2018 jyly 24 jeltoqsanda shyǵardy.
Qujatqa sáıkes, atalǵan baq jergilikti mańyzy bar memlekettik tabıǵı-qoryq qory obektileriniń tizbesine engiziledi.
Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Aıta ketý kerek, Baým baǵyn (toǵaıyn) 1894 jyly 150 ga terrıtorııada belgili selektsıoner ǵalym Edýard Baým otyrǵyzǵan bolatyn. Sondyqtan baǵbannyń qurmetine arnap baqqa Baým esimi berildi. Baqqa Máskeý, Penza, ıAlta, Tashkent qalalarynan alýan túrli jemis aǵashtary men jalpaq jáne qylqan japyraqty aǵashtarynyń kóshetteri ákelinip otyrǵyzyldy. Alǵashqy kezde toǵaıda almanyń 74, almurttyń 49, qylqan japyraqty aǵashtyń 17, jalpaq japyraqty aǵashtyń 44, ár túrli butalardyń 52 túri boldy. 1894 jyly Baým «Baým toǵaıyn» kógaldandyrý jóninde baǵdarlama jasap, ony qalalyq Dýmaǵa usyndy. Bul baǵdarlama 1899 jyly tolyǵymen júzege asyp, toǵaı Almaty qalasynyń jasyl jelekti aımaǵyna aınaldy. Búginde Baým toǵaıynda 250 myńdaı ár túrli aǵash ósip tur.
Bıyl ákimdik atalǵan baqtyń biraz aımaǵyn avtosalon ıeleri kólik turaǵyn jasaý úshin zańsyz ıemdenip kelgenin aıtty.
Bul zańbuzýshylyqty megapolıs ákimdigi tabıǵı aýmaqty kommýnaldyq menshikke alǵan soń ǵana anyqtady.
