Almatydaǵy basseınder taıaý arada ashylýy múmkin

ALMATY. QazAqparat - Almatyda basseınderdi ashý máselesi jaqyn arada qaralady. Bul týraly onlaın-brıfıng barysynda qalanyń bas memlekettik sanıtar dárigeri Jandarbek Bekshın aıtty, dep habarlaıdy QazAqparat tilshisi.

«Búginnen bastap monshalar men saýnalar jumys isteı bastady. Basseınder ekinshi kezeńde ashylady, óıtkeni onda adamdar kóp bolady. Jalpy basseındegi sýdyń quramynda dezınfektsııalyq zat bar. Biz qazirdiń ózinde basseınge qoıylatyn talaptardy ázirlep jatyrmyz. Taıaý ýaqytta ashylyp qalar», - dedi ol.

Sonymen qatar ol, monshaǵa kelýshilerdiń áleýmettik qashyqtyqty saqtap, mindetti túrde maska taǵý kerektigin eskertti.

«Qyzmetkerler de maska taǵyp, qolǵappen jumys isteýi kerek. Demalys bólmeleri sanıtaızermen qamtamasyz etilip , jeldetý rejımi kúsheıtilýi tıis», - dep tolyqtyrdy J.Bekshın.

Aıta keteıik, búginen bastap qalada SPA salondar, qoǵamdyq monshalar qyzmetin qaıta bastady .