Almatydaǵy barlyq aıaldama onlaın-tablomen jabdyqtala ma - ákimdik jaýaby
«Bul joba kóp qarjyny talap etedi. Sol sebepti basqarma bul jobany qarjylandyrý máselesin oılastyryp jatyr. Elektrondy tablolar men ondaǵy aqparat «Almaty kólik holdıngi» JShS mamandarymen birge talqylanyp jatyr», - dedi basqarma basshysynyń orynbasary Erlan Ádilov.
Munyń aldynda basqarma basshysy Talǵat Hoschanov ár aıaldamaǵa elektrondy tablo ornatý múmkindigi týraly túsinikteme bergen bolatyn.
«Ákimdik aıaldamalarǵa tsıfrly tablolar ornatýdy qoldaıdy. Áıtkenimen, olardy qala bıýdjetinen tys qarjy esebinen ornatý týraly aıtyldy. Alǵashqy tablo byltyrǵy jyl sońyna taman Tımırıazev kóshesindegi BRT jelisinde ornatylǵan. Bul isti «Almaty kólik holdıngi» óz moınyna alyp otyr. Qala ákiminiń tapsyrmasyna oraı biz tablolardy bıýdjetten tys qarjy esebinen jasamaqpyz. Osylaısha qalanyń iri toraptyq aıaldamalary tsıfrly tablolarmen qamtamasyz etiledi», - degen edi jolaýshylar kóligi jáne avtomobıl joldary basqarmasynyń basshysy Talǵat Hoschanov.
Onyń aıtýynsha, 200 myńnan astam tutynýshy onlaın-rejımde karta boıynsha kólik qozǵalysyn «Ońaı» qosymshasyndaǵy QR-kody arqyly bilip otyrady.
