Almatydaǵy «baraholkanyń» órtenýine qatysty sot isi jabyq rejimde ótpek
ALMATY. QazAqparat - Almatyda 2013 jylǵy qyrkúıekte otqa oranǵan «Aıan», «Olja», «Keremet» bazarlarynyń órtengenine qatysty alǵashqy sot isi 6 naýryzda qalalyq sotta qaralady. Bul týraly «QazAqparat» tilshisine qalalyq sottyń baspasóz hatshysy Qýandyq Eshimbet habarlady.
Onyń aıtýynsha, otpen nemese qaýiptiligi asa joǵary basqa da zattardy abaısyz qoldaný saldarynan bótenniń múlkin joıǵany nemese zaqym keltirgeni úshin saýda ornyn jalǵa alýshy J. Haıranov pen «Qulager» JShS jáne «Olja» bazarynyń bas dırektory M. Aldabergenov aıyptalýda. Eske sala keteıik, 2013 jylǵy 13 qyrkúıekte Almatynyń «Olja», «Keremet» jáne «Aıan» bazarlary otqa orandy. 5 400 sharshy metrdi aýmaqty ot sharpydy.
