Almatydaǵy bankterdiń birinde jarylǵysh zat qoıyldy degen aqparat jalǵan bolyp shyqty
ASTANA. Maýsymnyń 16-sy. QazAqparat - Seısenbi, maýsymnyń 15-i kúni belgisiz bireý Almatydaǵy bankterdiń birinde jarylǵysh zat ornatylǵandyǵy týraly qońyraý shalǵan,
dep habarlady QR Tótenshe jaǵdaılar mınıstrliginiń baspasóz qyzmeti.
Tólebı kóshesi, 55 meken jaıynda ornalasqan «Kaspıı bank» AQ ǵımaratynda bomba qoıyldy degen aqparat Almaty qalasy Іshki ister departamentine saǵat 11.40-ta kelip túsken.
Arnaıy is-sharalardy júrgizý barysynda jarylǵysh zat tabylmaǵan.
Sonymen qatar, telefon buzaqylary Almaty oblysy Panfılov aýdany Kóktal aýyldyq ákimdigine mına qoıylǵandyǵy týraly da habarlaǵan. Birinshi jaǵdaıdaǵy sııaqty arnaıy júrgizilgen sharalar barysynda mına tabylmaǵan.
