Almatydaǵy bank bólimshesine jasalǵan qaraqshylyq shabýyl: Sot úkimi jarııalandy

ALMATY. QazAqparat - Almatydaǵy bank bólimshesine qaraqshylyq shabýyl jasaǵan úsh qylmyskerge sot úkimi shyǵaryldy, dep habarlaıdy QazAqparat tilshisi.

Almaty qalalyq sotynyń baspasóz qyzmeti qylmyskerlerge shyǵarylǵan úkim týraly aıtty.

«Atalmysh is boıynsha 3 adam qylmystyq jaýapkershilikke tartylyp, sottaldy. Olardyń ishinde bireýi tonaý úshin ǵana emes, sonymen qatar, iri kólemdegi alaıaqtyqtyń birneshe epızody boıynsha kináli dep tanyldy. Sot ony 8 jylǵa bas bostandyǵynan aıyrdy.

Qaraqshylyq qylmystyń taǵy eki sybaılasy 7 jylǵa bas bostandyǵynan aıyryldy.

Sonymen qatar, alaıaqtyǵy úshin sottalǵan adamnan is boıynsha jábirlenýshilerdiń paıdasyna shamamen 60 mln teńge mólsherinde keltirilgen materıaldyq zalaldy óndirip alý týraly sheshim shyǵaryldy», - dedi baspasóz qyzmetinde.

Úkim zańdy kúshine endi jáne oryndaldy. Sottalǵandar jazasyn óteýge jiberildi.

Eske salsaq, 2020 jyldyń 15 qazany kúni Kaspi banktiń bólimshesin tonaý maqsatynda nysanǵa úsh qylmysker basa kóktep kirgen bolatyn. Qaraqshylardyń biri baltamen kassanyń shyny terezesin syndyryp, ishke engen. Urlanǵan soma 2 394 830 teńgeni qurady.

Qazan aıynyń sońynda barlyq úsh kúdikti polıtsııa qolyna tústi. Olardyń biri Oral qalasynda ustaldy.