Almatydaǵy balalar úıinde prezıdenttik shyrsha ótti
ALMATY. QazAqparat – Almaty ákiminiń orynbasary Erjan Babaqumarov Memleket basshysynyń atynan balalar mekemeleriniń tárbıelenýshilerin Jańa jyl merekesimen quttyqtady, dep habarlaıdy QazAqparat tilshisi.
«Januıa» jáne «SOS balalar aýylynda» prezıdenttik shyrsha ótti.
Erjan Babaqumarov Prezıdent Qasym -Jomart Toqaevtyń atynan balalarǵa densaýlyq, tabys, jaqsy dostar jáne tilekteriniń oryndalýyn tiledi.
Qalyptasqan jaqsy dástúr boıynsha qoıylymǵa qatysýshylar jańa jyldyq shyrshanyń shamyn jaǵyp, Aıaz Ata men Aqshaqarǵa tilekterin bildirdi.
«Januıa» kesheni 1999 jyly qurylǵan jáne 350 tárbıelenýshige arnalǵan. Bul jetim jáne múmkindigi shekteýli balalarǵa arnalǵan balabaqsha men túzetý mektebin qamtıtyn arnaıy balalar úıi. Oqytý men tárbıeleý arnaıy túzetý baǵdarlamalary boıynsha júrgiziledi. Balalardy tárbıeleýde tájirıbeli pedagogtar men psıhologtar kómektesedi.
«Almatydaǵy SOS balalar aýyly» 1997 jyly ashyldy. Qazir 10 otbasylyq úıde 65 bala turady. Taǵy bes otbasy qalada, «ıntegratsııalanǵan otbasylarda» bólek turady. Bul otbasylardaǵy jetkinshekter de balalar aýylynda turatyndar sııaqty qamqorlyq pen qoldaýǵa ıe.
