Almatydaǵy balalar kolonııasynan qashqan jasóspirim óz erkimen mekemege oraldy
ASTANA. Shildeniń 26-sy. QazAqparat /Ǵalymjan Hasenov/ - Almatydaǵy balalar kolonııasynan qashyp ketken jasóspirim óz erkimen mekemege qaıta oraldy, dep habarlady Ádilet mınıstrligi Qylmystyq-atqarý júıesi komıtetiniń baspasóz qyzmetinen.
Esterińizge sala keteıik, kisi óltirgeni úshin 10 jyldyq jazasyn ótep jatqan 16 jasar jasóspirim Almatydaǵy LA-156/6 balalar kolonııasynan shildeniń 23-inde qashyp ketken bolatyn.
Al jeksenbi kúni tańerteń ol Qylmystyq-atqarý júıesi komıtetiniń Almaty qalasy jáne Almaty oblysy boıynsha departamentine ózi kelgen. Jasóspirim óz kinásin sezingenin jáne jasaǵan áreketi úshin ókinish bildiretinin aıtyp otyr.
Qazir bul oqıǵa boıynsha tekserý júrgizilip, jasóspirimniń qashýynyń sebepteri anyqtalýda.
