Almatydaǵy «Baqytty otbasy» ortalyqtary 30 myńǵa jýyq adamǵa qyzmet kórsetti
«Osy jyldyń 8 aıynda bizdiń ortalyqtar 29 myńnan asa adamdy qabyldady. Biz bilimin arttyryp, ózin-ózi jumyspen qamtı bilýi úshin bilim berý trenıngteri men semınarlar ótkizip turamyz. Onda balanyń tárbıesine qatysty semınarlar, tigin tigý kýrsy, shashtaraz, sán úlgisi, massaj sııaqty ózin-ózi jumyspen qamtýǵa baǵyttalǵan kýrstar ótkiziledi. Bul kásipti ıgergen adam óz bıznesin ashýyna jol ashylady», - deıdi Zúlfııa Baısaqova.
Sonymen qatar, ol Almatyda az qamtylǵan otbasylar men kópbalaly analarǵa qoldaý kórsetetin toǵyz «Baqytty otbasy» ortalyǵy bar ekenin atap ótti.
« Bul ortalyqtar qala ákimdiginiń bastamasymen ashylǵan jáne úkimettik emes uıymdarymen iske asyrylýda. Ortalyqtyń maqsaty – kópbalaly analar men az qamtylǵan otbasylardyń ómir sapasyn arttyrýǵa, ózderin jumyspen qamtýyna jaǵdaı jasap, olardy jigerlendirýge baǵyttalǵan. Sondyqtan «Baqytty otbasy» ortalyǵy adamdardyń ómirin jaqsy jaǵyna ózgertýge atsalysyp, olarǵa jol kórsetetin mekemege aınalyp otyr»,– deıdi ol.
Onyń aıtýynsha, ortalyqtarda kámelettik jasqa tolmaǵan balalar úshin pándik onlaın kýrstar uıymdastyrylady.
«Karantın kezinde onlaın oqytý ádisi qoldanylady. Jyl basynan beri 34 myńnan astam áıel men bala oqytý kýrsyna qatysty»,– dep atap ótti «Baqytty otbasy» qalalyq ortalyǵynyń dırektory Zúlfııa Baısaqova.
