Almatydaǵy “Baqaı” dep atalyp ketken yqshamaýdannyń ataýy ózgertildi
ATY. 8 shilde. QazAqparat /Erlik Erjanuly/ - Almatydaǵy V. Fedoseev kóshesiniń shyǵysynda, B. Maılın kóshesiniń ońtústiginde ornalasqan ataýy joq shaǵynaýdanǵa "Jas qanat" ataýy berilsin.
Búgin Almatyda ótken IV saılanǵan máslıhattyń HHHHV sessııasynda osyndaı sheshim qabyldandy.
Máslıhat barysynda qala ákiminiń orynbasary Serik Seıdýmanov "Almaty qalasy Túrkisib aýdanyndaǵy shaǵynaýdannyń ataýyn ózgertý týraly" baıandama jasady. Onyń aıtýynsha, "Baqaı" dep atalyp kelgen shaǵynaýdan endi "Jas qanat" ataýyn ıelenbek. Osyǵan oraı "Qazaqstan Respýblıkasyndaǵy ákimshilik-aýmaqtyq qurylym týraly" Zańnyń 13-babynyń 4-tarmaǵyna sáıkes, qalalyq onamastıka komısııasy usynysy negizinde qala ákimdiginiń qaýlysy men máslıhat sheshimi qabyldanyp otyr. Onda Ekonomıka jáne bıýdjettik josparlaý basqarmasy shaǵynaýdannyń ózgerýine baılanysty qalanyń jergilikti bıýdjetinde kózdelgen qarjy esebinen qarajat qarastyratyn bolady. Túrkisib aýdany ákimi osy normatıvtik aktini iske asyrý jóninde qajetti shara qabyldaıdy. Onyń oryndalýyn baqylaý máslıhattyń áleýmetik máseleler jáne qoǵamdyq kelisim jónindegi turaqty komıssııanyń tóraǵasy E. Tájıev men Almaty qalasy ákiminiń orynbasary S. Seıdýmanovqa júkteldi. Bul normatıvtik quqyqtyq akti resmı jarııalanǵannan keıin 10 kúntizbelik kún ótken soń qoldanysqa engiziletin boldy.
