Almatydaǵy azyq-túlik baǵasyna qatysty qala ákimi pikir bildirdi
NUR-SULTAN. QazAqparat – Almaty qalasynyń ákimdigi azyq-túlik baǵasyn turaqtandyrý úshin 22 mlrd teńgege forvardtyq kelisimshart jasasty, dep habarlaıdy QazAqparat tilshisi.
«Byltyr biz aınalymdyq shemany iske qosqan bolatynbyz. Ol boıynsha iri saýda ortalyqtary men óndirýshilerge jeńildetilgen nesıe bólemiz. Osy nesıeni ala otyryp olar áleýmettik mańyzy bar azyq-túlik baǵasyn kótermeýge mindetteme alady. Osylaısha baǵanyń kúrt ósýin boldyrmaımyz», - dedi Ortalyq kommýnıkatsııalar qyzmetinde ótken brıfıngide qala ákimi Baqytjan Saǵyntaev.
Ákim sórelerdegi kartop pen sábiz baǵasyn retteý úshin ońtústik óńirlermen tyǵyz jumys jasalyp jatqanyn atady.
«Iá, maýsym aralyǵynda kartop, sábiz, qyryqqabat sııaqty ónimderdiń baǵasy qymbattap ketti. Qazir biz Túrkistan oblysymen barlyq azyq-túlik túrin jetkizý boıynsha kelisim jasadyq. Qant boıynsha byltyrdan beri Almaty oblysyndaǵy Aqsý zaýytymen jumys istep kelemiz. Kelisimshartta kórsetilgen baǵa qazir bizge ózge jetkizýshiler usynyp jatqan baǵadan tómen ekenin aıtý kerek. Osy sharalardyń bári qazir bizge qajetti azyq-túlik baǵasyn qymbattatpaı ustaýǵa múmkindik berip otyr. Sondaı-aq, qazir Tájikstanmen tikeleı jumys istep jatyrmyz. Qalalyq bıznes túrli ónimder jetkizý boıynsha tikeleı baılanys ornatyp, delegatsııalar almasty. Tájikstannan alǵashqy kólem kelip jatyr», - dedi Baqytjan Saǵyntaev.
Qala ákimi bul iste irgedegi Almaty oblysynyń áleýeti tolyq paıdalanylmaı jatqanyna toqtaldy.
«Almaty oblysynyń ákimimen kezdesken kezde de aıtqanmyn, biz jylyna 1 mln tonna azyq-túlik tutynamyz. Almaty oblysy osy kólemmen bizdi qamtýǵa tolyqtaı jumys isteı alady. Qazir ishinara 1 mln tonna degen – óte úlken naryq. Atalmysh ólkedegi osy aqyly sharýalarǵa da qoldaý kórsetken bolar edik. Qazir ishinara Túrkistan jáne Almaty oblystarymen jumys istep jatyrmyz. Kartopty qazir Pavlodar oblysynan alyp otyrmyz. Ekinshi aralyq maýsymǵa daıyndyq barysynda 22 mlrd teńgege forvardtyq kelisimshart jasap qoıdyq. Bul maqsatqa bıýdjetten jetkilikti qarajat bólinip otyr», - dedi ákim.
Onyń sózine qaraǵanda, qalanyń barlyq bazarlarynda áleýmettik azyq-túlik dúńgirshekteri ashylǵan. Ondaǵy baǵa basqa ózge saýda núktelerine qaraǵanda 30-50 paıyz tómen.
«Tipti sol bazardaǵy irgeles sórelerdiń ózi soǵan qarap, baǵany túsirip jatyr. Jumyrtqa baǵasyna da shekti baǵa bekittik. Endi qyryqqabattyń baǵasyn da bekitpekshimiz», - dedi qala basshysy.
