Almatydaǵy azamattyq qorǵanys uıymdary ashyq esik kúnin ótkizýde
ALMATY. Naýryzdyń 1-i. QazAqparat /Ádilet Musahaev/ - Búgin Almatydaǵy azamattyq qorǵanys uıymdary Halyqaralyq azamatty qorǵaý kúnin atap ótýde,
dep habarlaıdy QazAqparat.
Halyqaralyq azamattyq qorǵanys uıymdarynyń (HAQU) IX qararyna sáıkes, jyl saıyn naýryzdyń 1-i kúni Búkilálemdik azamattyq qorǵaý kúni bolyp atap ótilýde. Bul kún úkimettik jáne úkimettik emes uıymdardyń, turǵyndardy apattyq aýmaqtardan qutqarý kezindegi kúshterin úılestirýine baǵyttalǵan.
HAQU-dyń Bas hatshysy Navafa Ál Sleıbı 2010 jyldyń búkilálemdik kúnin «Medıtsına apaty» degen uranmen jarııalaǵan bolatyn.
Atalmysh kúnge oraı Almaty qalasynyń jergilikti atqarýshy jáne ýákiletti organdary tabıǵı apat pen tehnıkalyq aqaýlardan bolatyn tótenshe jaǵdaılardan aýmaqty jáne turǵyndardy qorǵaý kezinde kórsetiletin qyzmetteri jaıynda ashyq esik kúnin ótkizýde. Shara barysynda tabıǵı apat bolǵan kezde alǵashqy járdem kórsetetin medıtsınalyq tehnıkalardyń saqadaı saı ekendigi, olardyń sońǵy úlgide jabdyqtalǵandyǵy aıtyldy. Sonymen qatar ár tehnıkanyń atqaratyn múmkinshilikteri jaıynda málimetter berilip, olardyń kez-kelgen apatty jaǵdaıda qyzmet kórsete alatyn ámbebap ekeni belgili boldy.
