Almatydaǵy Áıteke bı kóshesin uzartý jumystary qyrkúıek aıynda aıaqtalady
Bul týraly ákim Erbolat Dosaev halyqpen kezdesýde málimdedi, dep habarlaıdy QazAqparat tilshisi.
«Bul uzartý jobasy jaqyn mańdaǵy úıler turǵyndarynyń pikirin eskere otyryp, qaıta qaralǵanyn atap ótkim keledi. Jaıaý júrginshiler joldary men qajetti turaq oryndaryn qalpyna keltirý qalany da, osy kóshelerdiń turǵyndaryn da qanaǵattandyrady dep senemin», - dedi Erbolat Dosaev.
Budan bólek, bıyl aýdan boıynsha jalpy uzyndyǵy 25 shaqyrym bolatyn 17 kóshege ortasha jóndeý jumystary josparlansa, onyń ishinde 3 kósheniń jumysy aıaqtaldy. Sondaı-aq qyrkúıek aıynda jalpy uzyndyǵy 17,6 shaqyrym 13 kóshede jumystar aıaqtalady.
Eske salaıyq Baıtursynov pen Dosmuhamedov arasyndaǵy Áıteke bı kóshesin uzartý jumystary maýsym aıynda bastalatyny týraly habarlaǵan bolatynbyz.