Almatydaǵy aınalma avtojoldyń shyǵys bóliginiń qurylysy jumys kestesine sáıkes júrgizilýde
ALMATY. Tamyzdyń 4-i. QazAqparat /Ádilet Musahaev/ - Jaqynda Almaty qalasynyń ákimi Ahmetjan Esimov qaladaǵy aınalma avtojoldyń shyǵys bóliginiń jumys barysymen tanysyp qaıtty, dep habarlaıdy QazAqparat.
Qala ákimi josparlanǵan jumystar belgilengen kestege sáıkes júrýin jáne aǵymdaǵy jyldyń qarasha aılarynda megapolıstegi jol qozǵalysy osy avtojoldyń arqasynda saıabyrsý kerektigin jetkizdi. Sonymen qatar jol jıegin kógaldandyryp, abattandyrý jumystaryn júrgizý kerektigin aıtyp ótti.
Ál-Farabı men Dostyq dańǵyldarynyń qıylysynan Halıýlın kóshesine deıin sozylatyn avtojoldyń jalpy uzyndyǵy 7-8 shaqyrym. Jol qurylysynyń quny 57 mıllıard teńgeni qurap otyr. Aǵymdaǵy jyly jol qurlysynyń Ál-Farabı men Dostyq dańǵyldarynyń qıylysynan Baltabaev kóshesine deıingi aralyqtaǵy birinshi kezeńi aıaqtalmaq. Negizinen shyǵys aınalma joldy iske qosý osy jyldyń qarasha aıyna josparlanǵan.
2010 jyly atalmysh jol qurylysyna respýblıkalyq bıýdjetten 14,8 mıllıard teńge bólingen.
