Almatydaǵy avtoservıste 9 kólik órtenip, 3 kólikke nuqsan keldi
ALMATY. QazAqparat – Almatydaǵy otqa oranǵan avtoservıste 9 kólik órtenip, taǵy 3 kólikke nuqsan keldi, dep habarlaıdy QazAqparat tilshisi.
Tilsiz jaý búgin M. Áýezov aýdanyndaǵy Aqsaı 1 shaǵyn aýdanyndaǵy tehnıkalyq qyzmet kórsetý ortalyǵynda tutanǵan edi. Órttiń saldarynan nysanda qatty jarylys boldy.
Angar tıptes ǵımarattyń ishinen árqaısysy eki 25 lıtrlik gaz ballony shyǵaryldy.
«Angarda 9 kólik turǵan. Barlyǵy órtenip ketti. Jalynnan taǵy 3 kólikke zaqym keldi», - dedi TJD ókili.
Gaz tútinnen qorǵaý qyzmetiniń mamandary joǵary temperatýraǵa qaramastan órtti sóndirý úshin ishke kirgen bolatyn. Oqıǵa ornynda órtti sóndirýge 60 adam, 13 tehnıka jumyldyryldy. Sonyń arqasynda qyzyl jalyn 55 mınýtta aýyzdyqtaldy. Oqys oqıǵadan eshkim zardap shekpedi.
