Almatydaǵy avtosalondar tutynýshylaryn qosymsha jabdyqtar satyp alýǵa májbúrlegen
Avtokólik satatyn ortalyqtarda qosymsha jabdyq alýǵa májbúrleýi zańsyz sanalady.
«Avtosalondardyń mundaı áreketteri zań normalaryna qaıshy keledi. Aqparattyq is-sharalar barysynda Zańnyń 8-1-babyna sáıkes, satýshy tutynýshymen jasalǵan shartqa tutynýshynyń quqyqtaryn buzatyn jáne (nemese) olarǵa qysym jasaıtyn talaptardy engizbeýi tıis ekendigi túsindirildi. Zańnyń 28-babyna sáıkes, satýshy óziniń jumys rejımin eskere otyryp, tutynýshyǵa qolaıly ýaqytta tıisti sapaly taýardy erkin tańdaýdy qamtamasyz etýge mindetti. Tutynýshyny taýardy qajetsiz mólsherde jáne assortıment satyp alýǵa májbúrleýge jáne belgili bir taýarlardy satyp alýdy, basqa taýarlardy mindetti túrde satyp alýǵa negizdeýge tyıym salynady»,- dep habarlady departamenten.
Tutynýshylarǵa jańa avtomobılderdi satý kezinde, qosymsha optsııalardy ornatý tek satyp alýshynyń kelisimimen júzege asyrylady.
Mysaly, klıentter satyp almaǵan jańa kólikterdi satý kezinde, qosymsha optsııalar ornatylǵan kólikke, qosymsha jabdyqtyń quny jáne ony ornatý jańa kóliktiń qunyna qosylady.
«Mundaı jaǵdaılarda satyp alýshy osy jabdyqty bólshekteýmen shyǵystarǵa kelisken jaǵdaıda qosymsha jabdyqty bólshekteýdi talap etýge quqyly. Biraq satyp alýshy kólikti qosymsha jabdyqsyz satyp alýǵa quqyly ekenin este ustaǵan jón»,- dep túsindirdi vedomstvo ókilderi.
Buǵan deıin Saýda jáne ıntegratsııa mınıstrligi Tutynýshylardyń quqyqtaryn qorǵaý komıteti eger avtokólik satyp alatyndar osyndaı jaǵdaıǵa tap bolsa, tutynýshylardyń quqyqtaryn qalpyna keltirý úshin avtokólik ortalyǵynyń ataýyn kórsete otyryp, QR Saýda jáne ıntegratsııa mınıstrligi Tutynýshylardyń quqyqtaryn qorǵaý komıtetine júgine alatyndaryn aıtqan bolatyn.
