Almatydaǵy aýrýhanada áıelder men erler bir palatada jatýǵa májbúr
Jeli qoldanýshylardyń aıtýynsha, Almaty balalar qalalyq klınıkalyq juqpaly aýrýlar aýrýhanasynda bos palatalar bola týra áıelder men erler balalarymen bir palatada jatyr. Osy jaǵdaıǵa baılanysty atalǵan aýrýhananyń dáriger-sarapshysy Farıda Ǵabbasova túsinik berdi.
Dárigerdiń sózinshe, sońǵy ýaqytta balalar qalalyq klınıkalyq juqpaly aýrýlar aýrýhanasyna júkteme artty.
Aýrýhana táýlik boıy patsıentterdi qabyldaıdy, táýligine 300-ge jýyq bala júginedi. Sol patsentter qabyldaý bólimshesi deńgeıinde suryptalyp, tek 25-30%-y statsıonarǵa jatqyzylady, al qalǵan naýqastar ambýlatorııalyq jaǵdaıda, úıde emdelýge jiberiledi. «Osyǵan oraı epıdemıologııalyq maýsymda, ıaǵnı joǵarǵy tynys joldarynyń aýrýlary órshigen kezde, er adamdarǵa kútim jasaý jónindegi jeke palatalardy birden qamtamasyz etý múmkin emes ekenin aıtamyz jáne naýqastar palatalarǵa aýrýdyń túri boıynsha, tsıkldylyqty saqtaı otyryp ornalastyrylady. Qazirgi epıdemıologııalyq jaǵdadıy eskere otyryp, jedel respıratorly ınfektsııa, sekretorly jáne ınvazıvti dıareıalar provızorlyqlyq bólimshelerge ýaqytsha (KVI-ge PTsR shyqqansha) ornalastyrylady, keıbir palatalarda oryn bos bolǵany osymen baılanysty (nozologııa jáne tsıkldylyqty saqtaý maqsatynda). Bizdiń mekeme ár patsıentke túsinistikpen qaraıdy jáne týyndaǵan máselelerdi sheshýge kómektesýge árqashan daıyn, birinshi múmkindik týyndaǵan sátte ol kisiler bólek palatalarǵa ornalastyrylady»,- dedi Farıda Ǵabbasova.