Almatydaǵy Áýezov mýzeıi 25 jyldan keıin jóndeýden ótip jatyr
Onyń aıtýynsha, 2022 jyly qazaqtyń uly jazýshysy, qoǵam qaıratkeri Muhtar Omarhanuly Áýezovtiń týǵanyna 125 jyl tolady. Mereıtoıǵa daıyndyq jumystary qazirden bastalyp ketti.
«Kelesi jyly Muhtar Áýezovtyń 125 jyldyq mereıtoıy. Oǵan daıyndyq jumystary bastalyp ketti. Bıyl jazýshynyń mýzeıin qaıta jańǵyrtýdan ótkizip jatyrmyz, smetalyq jobaǵa sáıkes, respýblıkalyq bıýdjetten 110 mln teńge bólingen. Jóndeý jumystaryn «Qazrestavratsııa» RMK júrgizýde. Mýzeı 25 jyldan keıin qaıta qalpyna keltirilýde. Qudaı qalasa, kelesi jyly jańartylǵan mýrajaıdyń qabyrǵasynda 125 jyldyq mereıtoıyn atap ótemiz», - dedi ınstıtýt dırektory Kenjehan Matyjanov.
Áýezovtiń ádebı-memorıaldyq mýzeıi 1963 jyly 28 qarashada ashyldy. Sol úıde jazýshy ómiriniń sońǵy 10 jylynda turǵan. Mýzeı uly jazýshynyń murasyn jınaqtap, nasıhattaý, shyǵarmashylyq ómir joly men qoǵamdyq qyzmetin, ádebıet salasyndaǵy izdenisterin jan-jaqty taný baǵytynda ǵylymı-zertteý jumystaryn júrgizedi.
Mýzeıdegi eksponattar 11 zalǵa ornalastyrylǵan.
