Almatydaǵy Áýezov aýdanynyń ákimi uzaq jasaǵan keıýanalardy quttyqtady
ALMATY. 7 naýryz. QazAqparat /Ádilet Musahaev/ - Almatylyq Rystaı Manasbaeva men Sara Ysqaqova ǵasyrǵa jýyq ómirleriniń taǵy bir kóktem merekesin atap ótýde.
Onyń biri 102 jasta bolsa, ekinshisi - 101-de. Búgin Almaty qalasy Áýezov aýdanynyń ákimi Bekqalı Torǵaev keıýanalardy 8 naýryz - Halyqaralyq áıelder kúnimen quttyqtady.
R.Manasbaeva - eńbek maıdanynyń ozaty, Uly Otan soǵysy jyldary traktorshy bolyp jumys istegen. Kóp jyldyq atqarǵan eńbegi úshin túrli medaldarmen marapattalǵan. Qazirgi kúni ol kóp balaly ana, nemere jáne shóbere súıip otyrǵan apa.
S.Ysqaqova - Uly Otan soǵysynda jarynan aıyrylǵan jannyń biri. Soǵys jyldary qoıma meńgerýshisi bolǵan, bes medalmen marapattalǵan. Úsh bala ósirip, jetkizgen keıýana nemere-shóbereleriniń súıikti ájesi.
B. Torǵaev uzaq ǵumyr ıelerine jáne olardyń týǵan-týystaryna myqty densaýlyq pen amandyq tiledi. «Sizderdiń tabandylyq pen ómirge degen qushtarlyqtaryńyz tek áıelderge ǵana emes, kúlli qazaqstandyqtar úshin úlgi», - dep atap ótti ol óz sózinde.
