Almatydaǵy Áýezov aýdanyna jańa ákim taǵaıyndaldy

ALMATY. QazAqparat- QR Prezıdenti Ákimshiligi men qala máslıhatynyń kelisimi boıynsha Saıran Saıfedenov Áýezov aýdanynyń ákimi bolyp taǵaıyndaldy, dep habarlaıdy QazAqparat tilshisi.

S. Saıfedenov 1974 jyly 19 jeltoqsanda týǵan. Abaı atyndaǵy Qazaq memlekettik pedagogıkalyq ýnıversıtetin (1996 j.), Almatynyń Úzdiksiz bilim berý ýnıversıtetin (2009 j.), Qazaq Jol qatynastary ýnıversıtetin (2012 j.) bitirgen. Mamandyǵy boıynsha — zańger, ekonomıka jáne bıznes magıstri.

Jeke kompanııalarda, aýdandar men qala ákimdiginde qyzmet atqaryp, tájirıbe jınaqtaǵan. 2008 jyldan 2009 jyldyń jeltoqsanyna deıin Almaty qalasy ákimi appparatynyń uıymdyq-kadrlyq jáne baqylaý-ınspektorlyq bóliminiń bas mamany bolǵan.

2009 jyldyń jeltoqsanynan 2016 jyldyń mamyryna deıin Áýezov aýdany ákiminiń orynbasary, 2016 jyldyń mamyrynan 2018 jyldyń mamyryna deıin Naýryzbaı aýdanynyń ákimi qyzmetterin atqarǵan. 2018 jyldyń mamyrynan 2019 jyldyń aqpany aralyǵynda Almaty qalasy Eńbekpen qamtý jáne áleýmettik baǵdarlamalar basqarmasy basshysynyń orynbasary, 2019 jyldyń aqpanynan tamyzǵa deıin Almaty qalasy Áleýmettik ál-aýqat basqarmasy basshynyń orynbasary boldy.

Foto: nauryzbay.audany