Almatydaǵy Áýezov aýdanyna qarasty mektep oqýshylary arasynda toǵyzqumalaq oıynynan saıys ótýde
ALMATY. Qańtardyń 30-y. QazAqparat /Ádilet Musahaev/ - Búgin Almaty qalasy Jastar saıasatyn damytý memlekettik qory Áýezov aýdanynyń ákimdigimen jáne № 176 mektep gımnazııasymen birlesip «Azıada - 2011» VII-Qysqy Azııa oıyndaryn nasıhattaý aıasynda Áýezov aýdanyna qarasty jalpy bilim beretin mektep oqýshylary arasynda «Azıadaǵa 1 jyl qaldy!» atty urannmen toǵyzqumalaq saıysyn ótkizip jatyr,
dep habarlaıdy QazAqparat.
Saıys 2011 jyly elimizde ótkiziletin Qysqy Azııa oıyndaryn jastar men jasóspirimderge keńinen nasıhattaýǵa, Otandy súıýge, qurmetteýge úıretý jáne patrıottyq sezimin oıatyp, balalar men jasóspirimderdi dene shynyqtyrýmen jáne sportpen turaqty shuǵyldanýǵa tartý maqsatynda ótkizilýde.
