Almatydaǵy Áýezov aýdany 40 jyldyq mereıtoıyn atap ótýde

«Aýdannyń 40 jyldyq mereıtoıy  shyǵys halyqtarynyń uly merekesi Naýryzben tuspa-tus kelip otyr. Naýryzdy Jyldyń basy dep ata-babalarymyz beker atamaǵan. Osy kúni kún men túnniń teńeletin kúni. Osy kezden bastap jer kógerip, báısheshekter shyǵyp, qustar qaıtyp kelip, aǵaıyn-týys,  joro-joldas pen  kórshiler bir-birimen qaýyshyp, merekemen quttyqtap, jaqsylyq tileıdi.  Bıylǵy  Naýryz barshańyzǵa jaqsylyq, baq-bereke ákelsin. Qutty, berekeli jyl bolsyn», - dedi qala ákimi Ahmetjan Esimov.

 Jalpy 310 myń turǵyny bar Áýezov aýdany 40 jyl buryn 1972 jyly naýryz aıynda quryldy. Ol qazir qalamyzdaǵy eń iri aýdan.  E. Esimovtyń aıtýynsha, halqynyń sany jaǵynan qazir ol  elimizdegi keıbir oblys ortalyqtary  Qyzyljar, Kókshetaý, Taldyqorǵan sııaqty qalalardan da úlken. Óndiristik, áleýmettik salalary jaqsy damyǵan Áýezov aýdanynda qazir 35 mektep jáne 39 myń stýdent bilim alyp jatqan  7 joǵary  oqý orny, 29 orta kásiptik arnaıy oqý oryndary bar. Aýdandaǵy mektepke deıingi 265 bilim berý mekemesiniń  16-sy ótken jyly ashyldy. Byltyr sondaı-aq, 26 aýla  kógaldandyrylyp,  35 kóshede 23 shaqyrym jol jóndeldi.