Almatydaǵy Áýezov aýdandyq ІІB eks-basshysy 2 aıǵa qamaldy
ALMATY. QazAqparat - Almatyda uıymdasqan qylmystyq toptyń 17 múshesine qatysty bultartpaý sharasy taǵaıyndaldy, dep habarlaıdy QazAqparat tilshisi.
Qalalyq sottyń baspasóz hatshysy Dıas Mahambetovtyń aıtýynsha, uıymdasqan qylmystyq top músheleri dep tanylǵan 17 tulǵaǵa qatysty 2 aıǵa qamaýǵa alý týraly sheshim shyqty.
Qylmystyq is materıaldaryna sáıkes, 30 mamyrda D.Baıgabatov, A.ıAhıarov, B.Qasabekov, T.Kenebaev, Sh.Hýdavadıev, Ch.Jarhabekov, S.Djalelov, B.Baısalbaev, I.Kabırova, B.Arýnova, M.Zaınaýdına, I.Ábdrahmanova, R.Ramazan, D.Shaıdýlla, T.Erlanova, T.Súleımenova sotqa deıingi tergeý organdarymen qamaýǵa alynǵan bolatyn.
15 kúdiktige qatysty QR QK 262-babynyń 2-bólimi boıynsha, ıaǵnı uıymdasqan qylmystyq top quryp, oǵan basshylyq etti degen aıyp taǵyldy.
Sondaı-aq, QR QK 287-babynyń 5-bólimimen (qarý men jarylǵysh zattardyzańsyz saqtaý, satyp alý, ustap júrý) is qozǵaldy.
Almaty qalasy Áýezov aýdandyq ІІB burynǵy basshysy Baqyt Qasabekovke QR QK 262-babynyń 3-bólimi, ıaǵnı qylmystyq topty quryp, óziniń laýazymyn paıdalana otyryp oǵan basshylyq jasady degen aıyp taǵyldy.
Aıta keteıik, mamyrdyń 29-nan 30 qaraǵan túni arnaıy jasaq qyzmetkerleri Almatyda qylmystyq topty quryqtaǵan bolatyn. Tintý jumystarynyń nátıjesinde Baqyt Qasabekov ustalǵan bolatyn .
