Almatydaǵy atystyń sońǵy qurbany Otarǵa jerlenedi
ALMATY. QazAqparat - Atystyń sońǵy qurbany Jalǵas Keldibaev Jambyl oblysy Otar kentine jerlenedi. Bul týraly «QazAqparat» tilshisine Almaty q. ІІD baspasóz hatshysy Saltanat Ázirbek málimdedi.
Onyń aıtýynsha, marqumdy erteń tańǵy 10-da jerleıdi. Jalǵas Keldibaevtyń máıitin Jambyl oblysyna alyp ketti.
Eske salsaq, 12-shi aýrýhanada jatqan sońǵy polıtseıdiń qaza bolǵany jaıly búgin tańerteń belgili boldy.
Polıtsııa serjanty Jalǵas Amanbaıuly Keldibaev 1992 jyly 1 qyrkúıekte dúnıege keldi. Almaty q. ІІD jol-patrýldik polıtsııa polkiniń polıtseıi. Іshki ister organdarynda 2014 jyldan bastap qyzmet etti, úılenbegen.
Almaty qalasy ІІD basshylyǵy, Ardagerler keńesi, jeke quramy Jalǵas Keldibaevtyń qaıǵyly qazaǵa ushyraýyna baılanysty onyń otbasy men týystaryna kóńil aıtady.
Eske salsaq, 27 jastaǵy Rýslan Kúlekbaev 2016 jylǵy 18 shildede Almaty qalasynyń aýdandyq ІІB birine jáne UQKD ǵımaratyna shabýyl jasady. Saldarynan bes adam - úsh polıtseı, shekarashy jáne zeınetker qaza taýyp, segiz adam jaraqat alǵan. Keıinnen aýrýhanada aýyr jaralanǵan úsh polıtseı kóz jumdy.
Kúlekbaevqa qatysty birneshe bap boıynsha sot aldy tergeý jalǵasýda.
