Almatydaǵy atysta Záýresh Amanjolovanyń týysy kóz jumdy
ALMATY. QazAqparat - Almatydaǵy atysta «Nur Otan» partııasynan QR Májilisiniń depýtaty Záýresh Amanjolovanyń jaqyn týysy qaza tapty.
Depýtat jedel járdem aýrýhanasyna kelýshilerdiń qatarynda boldy.
«Iá, men týysymnan aıyrylyp qaldym», - dedi ol bas dárigerdiń kabınetinen shyqqan soń.
Qalalyq ІІD anyqtalǵan aqparatyna sáıkes, atysta úsh polıtseı ajal qushty.
Eske sala keteıik, belgisiz bireýler qalanyń birneshe aýdanynda oq atty - Almatyda UQKD ǵımaraty, Abylaı han dańǵyly, sonymen qatar Abaı dańǵyly qorshaýǵa alyndy.
Almaty qalasynyń densaýlyq saqtaý basqarmasynyń aqparatynsha, keshki saǵat 17.00 jaǵdaı boıynsha qalanyń medıtsınalyq uıymdarynda búgin tańerteń bolǵan atys saldarynan japa shekken 8 adam jatyr.
Qalada terrorıstik qaýiptiń qyzyl deńgeıi jarııalandy.
