Almatydaǵy atysqa qatysy bar taǵy bir kúdikti ustaldy
ALMATY. QazAqparat– Almatyda atysqa qatysy bar taǵy bir kúdikti ustaldy, dep habarlaıdy QazAqparat tilshisi.
Polıtsııa departamentiniń málimetinshe, Almaly aýdandyq polıtsııa basqarmasynyń ókilderi tóbeles kezinde qarý qoldandy degen kúdikpen taǵy bir jigitti ustady. Ol 1994 jyly týǵan S. esimdi azamat.
«Ol ózine qarsylasqan 37 jastaǵy J. esimdi er adamnyń aıaǵyna pyshaq suqqan. Sondaı-aq qylmys ornynan qashyp ketken. QR Qylmystyq is júrgizý kodeksiniń 128-babyna sáıkes kúdikti PD-nyń ýaqytsha ustaý ızolıatoryna qamaldy. Qazir bul oqıǵa QR Qylmystyq kodeksiniń 293-baby 3-bóligi boıynsha tergelip jatyr, – deıdi Almaly aýdandyq polıtsııa basqarmasynyń bastyǵy Esen Ysqaqov.
Eske salaıyq, Almatyda bireýler atysyp, bir adam jaralanǵan bolatyn.
