Almatydaǵy atys: Sot polıtsııaǵa oq atqan adamnyń áıeliniń talabyn qanaǵattandyrmady
ALMATY. QazAqparat – Almatynyń aýdandyq sotynyń sheshimimen banktiń A.Demırchıanǵa (Almatyda sot oryndaýshylary men polıtsııaǵa oq atqan adamnyń áıeli) turǵyn emes úı-jaıdy jer ýchaskesimen paıdalanýdaǵy kedergilerdi joıýǵa májbúrleý týraly talabyn qanaǵattandyrýdan bas tartyldy, dep habarlaıdy QazAqparat Bostandyq aýdandyq sotynyń baspasóz qyzmetine silteme jasap.
Talapker eki JShS-dan, Dýjnov pen Demırchıannan bereshek somasyn óndirip alý týraly zańdy sot aktileriniń negizinde banktiń Demırchıanǵa tıesili jer ýchaskesi bar turǵyn emes úı-jaı túrindegi kepil múlkin satý boıynsha saýda-sattyqtyń jeńimpazy bolyp tanylǵandyǵyn dáleldeı otyryp, sotqa júgindi.
«Kórsetilgen jyljymaıtyn múlik banktiń menshik quqyǵy jyljymaıtyn múlikti tirkeý organynda 2021 jylǵy 30 sáýirde tirkeldi. Іsti qaraǵan kezde sot joǵaryda atalǵan jyljymaıtyn múlikti jalǵa alý sharttary negizinde tórt jeke tulǵanyń jalǵa alatynyn anyqtady. Bank talap aryzdy Demırchıanǵa qoıdy, biraq ol talap qoıý kezinde daýly múliktiń ıesi emes bolyp shyqty. Sonymen qatar, bank sotqa jaýap berýshiniń kórsetilgen turǵyn emes úı-jaıdy menshik ıesi retinde paıdalanýyna kedergi keltirgenin dáleldeı alǵan joq»,- dedi aýdandyq sotta.
Joǵaryda atalǵan turǵyn emes úı-jaılardy burynǵy menshik ıesi Demırchıan kelisim-sharttar boıynsha úshinshi tulǵalarǵa jalǵa berdi. Olar osy turǵyn emes úı-jaılardy alady. Bul rette, jalǵa alý shartyna bank te daý aıtpady. Degenmen olar 2021 jylǵy 30 sáýirde talapkerge kórsetilgen múliktiń menshik quqyǵyn tirkegenge deıin burynǵy menshik ıesimen, ıaǵnı, zańdy negizde, árqaısysy 12 aıǵajasalǵan bolatyn.
«Osyny eskere otyryp, sheshim shyǵarǵan kezde sot talapker óz quqyqtaryn qorǵaýdyń ádisin durys tańdamady degen qorytyndyǵa keldi. Sóıtip, talapty qanaǵattandyrýdan bas tartyldy. Sot sheshimi zańdy kúshine engen joq jáne taraptar oǵan shaǵym keltire alady»,- dep naqtylady aýdandyq sotta.
Eske salsaq, 20 qyrkúıekte «Aqbulaq» yqshamaýdanynda Almaty turǵyny ańshylyq qarýdan ýchaskelik polıtsııa ınspektorlary, sot oryndaýshylary jáne azamattyq tulǵalarǵa oq atqan.
