Almatydaǵy atys: Oq tıgen adamdardyń jaǵdaıy belgili boldy

ALMATY. QazAqparat - Almaty dárigerleri oq jaraqatymen aýrýhanaǵa túsken naýqastardyń jaǵdaıy týraly aıtty, dep habarlaıdy QazAqparat tilshisi.

Almaty qalalyq Densaýlyq saqtaý basqarmasynyń málimetinshe, Ortalyq klınıkalyq aýrýhanaǵa túsken eki naýqastyń biri mańdaı súıeginiń synyǵy, jabyq bas súıek-mı jaraqaty, sol aıaq jilinshiginiń ótpeli oq jaraqaty dıagnozymen jetkizildi.

Naýqas neırohırýrgııa bólimine jatqyzyldy, qazirgi kezde jaǵdaıy birqalypty, ony bas súıegine ota jasaýǵa daıyndap jatyr.Ekinshi naýqas aýyr jaǵdaıda qursaq qýysyna ótpeli tıgen oq jaraqaty, ishine qan ketý, qansyraý men aýyrsynýdan bolatyn shok, oń qol býynyna tıgen ótpeli oq jaraqaty dıagnozymen tústi

, - dep habarlady basqarmanyń baspasóz qyzmetinen.Vedomstvodan atap ótkendeı, ekinshi naýqasqa shuǵyl túrde ota jasaldy. Qazir ol hırýrgııa bóliminde jatyr, jaǵdaıy turaqty aýyr.

Buǵan deıin Almatydaǵy dámhanalardyń birinde búgin, túngi saǵat 00:30 shamasynda atys bolǵany týraly jazǵan edik.