Almatydaǵy at jarysynda Olımpıada júldegeriniń júırigi birinshi keldi
ASTANA. QazAqparat - Búgin Almatynyń ıppodromynda báıge jarystarynyń bıylǵy maýsymy aıaqtaldy. Baǵdarlama boıynsha shabandozdar 1 600, 1 800, 3 000, 4 000 metrlik qashyqtyqtarda baq synap, sonymen qatar 22 jáne 12 shaqyrymdyq Alaman, Qunan báıgelerge qatysty, dep habarlaıdy QazAqparat.
4 000 metrlik qashyqtyqta Almaty qalasy ákiminiń kýbogynda aǵylshyn tuqymdy sáıgúlikter saıysqa shyǵyp eń birinshi bolyp márege erkin kúresten Olımpıada júldegeri Islam Baıramýkovtyń júırigi keldi.
«Zýbaır» dep atalatyń júıriktiń jokeıi 45 jyl at sportymen aınalysyp kele jatqan Gennadıı boldy.
«Men 1971-shi jyldan bastap at sportymen aınalysam. Kóptegen jarystarǵa qatysyp júldeli oryndarǵa ıe bolǵanmyn. Búgingi jeńisime rızamyn. Aldaǵy ýaqytta da áli qatysamyn degen oıdamyn», - dedi Gennadıı.
Odan bólek, kóptegen at sportyn súıer qaýym 1 600 metrlik «Kuzgi júlde», 3 000 metrlik «Qazaqstandyq Sent-Ledjer», 1 800 metrlik «2017 jylǵy báıge maýsymynyń jabylý saltanatynyń júldesi», 7 shaqyrymdyq Jorǵa jarys, 22 shaqyrymdyq Alaman báıge jáne 12 shaqyrymdyq Qunan báıge jarystaryn tamashalady.
Aıta keter jaıt, bul jarys Almaty qalallyq at baıge federatsııasy jáne «Almaty qalalyq xalyqaralyq sporttyq jobalar dırektsııasy» MQ-nyń uıymdastyrýymen jáne Dene shynyqtyrý jáne sport basqarmasynyń qoldaýymen ótken bolatyn.
