Almatydaǵy «Astana» alańynda 31 jeltoqsan kúni túnde merekelik sharalar uıymdastyrylatyn bolady
ALMATY. 30 jeltoqsan. QazAqparat /Názıra Eleýhan/ - Almatyda 31 jeltoqsan kúni keshkisin Jańa jyldy kópshilikpen birge qarsy alýdy qalaıtyn almatylyqtar men qala qonaqtary úshin ortalyq «Astana» alańynda merekelik sharalar uıymdastyrylatyn bolady.
Merekelik kontserttik shoýda «Mısterıons», «Kz style» toptary, "A-Tenus " jáne t.b ártister óner kórsetedi, sondaı-aq kesh qonaqtary úshin tanymal DJ-lerdiń qatysýymen jańa jyldyq arnaıy baǵdarlama usynylatyn bolady.
Túngi on ekige bes mınýt qalǵanda alańdaǵy úlken teleekran arqyly QR Prezıdenti Nursultan Nazarbaevtyń jańa jylmen quttyqtaýynyń beıne translıatsııasy kórsetiletin bolady. Quttyqtaýdan soń, dál on ekide merekelik otshashý Almaty aspanyn kómkeretin bolady.
Kontserttik baǵdarlama túngi birge deıin jalǵaspaq.
