Almatydaǵy áskerı bólimde sarbaz oq tıip, qaıtys boldy
NUR-SULTAN. QazAqparat – Almatydaǵy 3650 áskerı bóliminde sarbaz ózin atyp aldy, dep habarlaıdy QazAqparat QR Ulttyq ulany «Ońtústik» Óńirlik qolbasshylyǵynyń baspasóz qyzmetine silteme jasap.
Baspasóz qyzmetiniń málimetterine qaraǵanda, 22 tamyzda saǵat 15.15-ter shamasynda qyzmettik mindetin oryndaý kezinde kelisim shart boıynsha qyzmet etip júrgen áskerı qyzmetshi Sabyrov Abylaı Berikuly, (2001 jyly týylǵan) 3650 áskerı bóliminde Almaty qalasynda ózine bekitilgen tapanshamen ózin-ózi atyp, alǵan jaraqatynyń nátıjesinde qaıtys boldy.
Quqyq qorǵaý organdary qajetti tergeý áreketterin júrgizip jatyr. Bolǵan oqıǵanyń sebepteri men mán-jaılaryn anyqtaý úshin qyzmettik tergeý taǵaıyndaldy.
«Qazaqstan Respýblıkasy Ulttyq ulanynyń Bas qolbasshylyǵy men óńirlik qolbasshylyǵy áskerı qyzmetshi Abylaı Sabyrovtyń týǵan-týystary men jaqyndaryna qaıǵyryp kóńil aıtady.
