Almatydaǵy arnaıy reıd: Jezókshelikpen aınalysqan 245 áıel anyqtaldy
ALMATY. QazAqparat – Almatyda úsh qonaqúıden jezóksheler ordasy áshkerelendi, dep habarlaıdy QazAqparat tilshisi.
Eki qonaq úı kesheni - Túrksib aýdanynda, bir qonaq úı Áýezov aýdanynda bolǵan.
«Ótken aptada polıtsııa arnaıy reıd júrgizdi. Tekserý nátıjesinde 3 qonaq úıde zańsyz jynystyq qatynas qyzmeti uıymdastyrylǵany anyqtaldy. Bul joly biz JITS ortalyǵy mamandaryn tarttyq. Olar jyljymaly zerthana arqyly áıelderdi tekserdi», - dedi qalalyq PD basqarma basshysy Janbolat Zıadın.
Barlyǵy polıtsııaǵa 30 áıel jetkizildi. Olardyń 3-i Ózbekstan azamatshalary bolyp shyqty.
Belgili bolǵandaı, bul azamatshalar osy qonaq úılerde turaqty qyzmet etken. Ǵımarat ıeleri zań aldynda jaýapkershilikke tartylatyn bolady.
11 aqpanda bastalǵan operatsııa nátıjesinde arnaı top 245 áıeldi bólimshege jetkizgen. Olardyń 3-i Reseı Federatsııasynyń, 6-y Ózbekstannyń, 6-y – Qyrǵyzstannyń, 1- Ýkraına azamatshasy bolyp shyqty. Jeke qujaty joq áıelder PD ýaqytsha oqshaýlaý ornyna qamaldy.
