Almatydaǵy «Arman» kınoteatrynda Uly Otan soǵysy jáne eńbek ardagerleri úshin «Máskeý úshin shaıqas» fılmi tegin kórsetiledi

ASTANA. Aqpannyń 20-sy. QazAqparat - Aqpannyń 23-inde Almatydaǵy «Arman» kınoteatrynda Uly Otan soǵysy jáne eńbek ardagerleri úshin «Máskeý úshin shaıqas» fılmi tegin kórsetilmek. Atalǵan aktsııa burynǵy Keńes Armııasynyń merekesine oraılastyrylyp otyr. Uıymdastyrýshy - Almaty qalasynyń ákimdigi.

Sonymen qatar osy is-shara sheńberinde «Baýyrjan Momyshuly - daryndy qolbasshy, talantty jazýshy, jastardyń rýhanı tálimgeri» atty kınolektorıı ótedi.

«Máskeý úshin shaıqas» 1967 jyly túsirilgen keńestik kórkem fılm. Ol B.Momyshuly týraly kitap jáne materıaldar negizinde túsirilgen batyrlyq kınobaıan.

Aıta keteıik, aǵymdaǵy jyly dańqty qolbasshynyń týǵanyna 100 jyl tolady. Osyǵan oraı qazirgi ýaqytta elimizdiń túpkir-túpkirinde, sondaı-aq Reseıde de túrli sharalar atqarylýda. Máselen, taıaýda Máskeýde Qazaqstan Respýblıkasynyń Reseı Federatsııasyndaǵy Tótenshe jáne Ókiletti elshiliginiń rezıdentsııasynda Keńes Odaǵynyń Batyry, dańqty qolbasshy jáne jazýshy Baýyrjan Momyshuly týraly «Ańyzǵa aınalǵan batyr» kitabynyń tusaýkeseri ótip, sol qaladaǵy №229 orta mektepke qazaqtyń batyr ulynyń esimi berilgen bolatyn.