Almatydaǵy Arbatty jańǵyrtýǵa 3 mlrd teńge qajet
ALMATY. QazAqparat - Almatyda Arbatty jańǵyrtý jobasy tanystyryldy, dep habarlaıdy QazAqparat tilshisi.
Sáýlet jáne qala qurylysy basqarmasy basshysynyń orynbasary Almazhan Ahmedjanovtyń aıtýynsha, joba atalǵan basqarma ázirlegen tenhıkalyq usynystar boıynsha ázirlengen.
«Biz kúshtep eshteńeni súrip tastamaımyz, sebebi, kásipkerler qoǵam aldyndaǵy jaýapkershilikti sezinip otyr degen úmittemiz. Bul jerdiń sánin qalaı kirgizemiz, másele osynda... Naqtyraq aıtqanda, biz qalada jaıaý júrginshiler aımaǵyn jasaý, sý aǵyzý, aryqtar qazyp, aǵash egý jumystaryn kásipkerlermen birige atqaramyz dep oılaımyn. Kásipkerler ǵımarattarynyń qasbetterin, fasadtaryn bezendiredi», - dedi Ahmedjanov.
Ol atalǵan jobaǵa qansha qarajat ketýi múmkin ekenin aıtty.
«3 mlrd teńgeden bastalady. Bul negizgi shyǵynǵa qajet soma. Sapaly qurylys materıaldary alynady. Bizdiń mindetimiz sapaly jumys atqarý», - dedi ol.
Onyń aıtýynsha, jańǵyrtý jumystary kóktemde bastalady. Jobalaýshylardyń jospary boıynsha jańǵyrtý jumystary jaz maýsymynda jasalyp, kúzge deıin aıaqtalady. 
