Almatydaǵy apat: Jalyn 8 qabatty úıdegi 16 páterdi, sporttyq dúkendi jáne kólikterdi sharpydy - QR TJM
ASTANA. 28 maýsym. QazAqparat - Almatydaǵy alapat órttiń saldarynan 8 qabatty úıdegi 16 páter, sporttyq dúken jáne kólikter zaqymdandy.
Bul týraly QR TJM baspasóz qyzmetinen habarlady.
27 maýsym kúni Almaty qalasynda Seıfýllın dańǵyly men Qabanbaı kósheleriniń qıylysynda syıymdylyǵy 18 tonnany quraıtyn jaǵarmaı tasıtyn «FAW» kóligi aýdaryldy. Saldarynan benzın jerge tógilip, kólik janyp ketti.
Jalyn jaqyn mańdaǵy 12 temir tulpardy jáne Seıfýllın dańǵylyndaǵy №510 8 qabatty turǵyn úıdi sharpyǵan.
Órt saldarynan 16 páter (onyń 14 páteri jarym-jartylaı, ekeýi tolyǵymen), 2-den 8 qabatqa deıingi balkondar, úıdiń birinshi qabatynda ornalasqan «Real sport» sporttyq dúkeniniń qas beti men shatyrdyń bógeti zaqymdandy.
Tilsiz jaý 1000 sharshy metr aýmaqty jaıpaǵan. Oqıǵa ornynan 40 adam qaýipsiz jerge kóshirilip, 6 turǵyn qutqaryldy. Alǵan jaraqattardan 1986 jylǵy jaǵarmaı tasıtyn kóliktiń júrgizýshisi oqıǵa ornynda jan tapsyrdy.
Tilsiz jaýdy aýyzdyqtaýǵa QR TJM Almaty qalalyq TJD órt sóndirý qyzmeti jeke quramynyń 120 mamany men 29 tehnıkasy, QR TJM «TsMK»MM 3 mamany men bir tehnıkasy jumyldyryldy.
