Almatydaǵy apat: Órtten japa shekkenderge arnaıy komıssııa ótemaqy tóleıdi
ALMATY. 27 maýsym. QazAqparat - Almaty ákimdiginde janarmaı tasıtyn kóliktiń jarylýynan oryn alǵan alapat órttiń saldarynan japa shekkenderge keltirilgen zalal kólemin baǵalap,
olarǵa ótemaqy tóleıtin arnaıy komıssııa qurylady. Bul týraly arnaıy baspasóz máslıhatynda málim boldy.
Buǵan deıin habarlanǵandaı, búgin tańǵy saǵat 10.00-de S. Seıfýllın men Qabanbaı batyr kósheleriniń qıylysynda janarmaı tasıtyn kólik aýdarylyp, jarylǵan. Oqıǵa bolǵan jerdegi birneshe mashına da kúlge aınalyp, jalyn jaqyn mańdaǵy turǵyn úıge de jetken bolatyn.
Qazir órtengen páterlerdiń turǵyndary jaqyn mańdaǵy mektepterdiń birine ornalastyryldy. Olar shahar bıliginiń kómegine alǵashqy kezekte úmitti. Jarylystyń nátıjesinde kúlge aınalǵan temir tulpar ıelerine de ótemaqy beriledi.
Almaty ákimidiginiń málimdeýinshe, japa shekkender kózden tasa qalmaıdy.
