Almatydaǵy apat: Baǵdarshamǵa qaramaı ótken moped júrgizýshisi aýyr halde jatyr
ALMATY. QazAqparat - Almatyda Toraıǵyrov pen Mustafın kósheleriniń qıylysynda jol apaty boldy, dep habarlaıdy QazAqparat tilshisi.
Toraıǵyrov kóshesimen shyǵysqa baǵyt alyp kele jatqan Sýbarý kóligi solǵa, Mustafın kóshesine qaraı burylǵaly turǵan. Sol ýaqytta Toraıǵyrov kóshesimen tik kele jatqan moped Sýbarýdy búıirden soqqan.
Oqıǵaǵa kýá bolǵandardyń aıtýynsha, moped baǵdarshamnyń qyzyl túsine ótip ketken. Soqqydan moped júrgizýshi qatty jaraqat aldy. Jedel járdem ony qulaǵy men murnynan qan aqqan kúıinshe óte aýyr halde alyp ketti.
Sýbarý kóliginiń júrgizýshisi japa shekken joq.
Jol apatynyń mán-jaıyn polıtsııa tekserip jatyr.
