Almatydaǵy amýr jolbarystaryn Qytaı safarı parki surap jatyr
ALMATY. QazAqparat - Almaty zoobaǵyndaǵy Amýr jolbarystaryn Qytaı safarı parki surap jatyr, dep habarlaıdy QazAqparat tilshisi.
Zoobaq dırektory Erjan Erkinbaev Instagramdaǵy paraqshasynda amýr jolbarystarynyń bolashaqtaǵy taǵdyry týraly oqyrmandarynan keńes suraǵan.
Onyń aıtýynsha, uıalas jolbarystardy Qytaı zoobaǵy suratqan.
«Demalys kúnderi Býsh (amýr jolbarysy) aýyryp jatyr degen habar estidik. Búgin dárigerlermen birigip tekserip shyqtyq. Jolbarystardyń densaýlyǵynda kinárat joq. Olardyń jalǵyz týa bitti aqaýy bar. Aldyńǵy aıaqtary durys qalyptaspaǵan. Sol sebepti, jolbarystar Amýr jolbarystaryn kóbeıtý baǵdarlamasynan shyǵyp qalǵan. Bul uıalastardy Qytaıdyń úlken Safarı parki surap jatyr. Barlyq nusqaýlyqtardy aıaqtaǵan soń jolbarystardy Qytaıǵa jiberemiz. Siz qalaı oılaısyz?», - dedi zoobaq basshysy.
Jeli qoldanýshylary bul jazbaǵa túrlishe pikir bildirip jatyr, Atap aıtqanda, jer betinen joıylyp bara jatqan janýarlardyń jaǵdaıy Qytaıda jaqsyraq bolsa, jiberýge keńes berip jatyr. Keıbireýler jolbarystardy pandaǵa aıyrbastaýdy usynýda.
